* ఆర్థిక ప్రాతిపదికన రిజర్వేషన్ల సాధనే లక్ష్యం. * స్టేట్ కోఆర్డినేటర్ నల్లవెల్లి కరుణాకర్ రెడ్డి.

అన్ని కులాల్లోని... "నిరుపేదలకు రిజర్వేషన్లు దక్కాలి".

- ఈ నెల 24 నుంచి రాష్ట్రంలో 'ఆర్ధిక రిజర్వేషన్ సాధన రథయాత్ర'.

* 24న కామారెడ్డి లో బహిరంగ సభ.

* 26న పరకాలలో 15 వేల మందితో భారీ బహిరంగ సభ

* కీసర వేదికగా 'సాధన కమిటీ' నాయకుల పిలుపు.

వేగుచుక్క న్యూస్,
మేడ్చల్- మల్కాజిగిరి జిల్లా: స్వాతంత్ర్యం వచ్చి ఎనిమిది దశాబ్దాలు కావస్తున్నా అన్ని వర్గాల్లోని అట్టడుగు నిరుపేదలకు ప్రభుత్వ ఫలాలు, రిజర్వేషన్లు అందడం లేదని, కులమతాలకు అతీతంగా ఆర్థిక ప్రాతిపదికన రిజర్వేషన్లు అమలు చేయడమే ప్రధాన ధ్యేయంగా పోరాడుతున్నామని 'ఆర్థిక ఆధారిత రిజర్వేషన్ల సాధన కమిటీ' నాయకులు స్పష్టం చేశారు. గురువారం మేడ్చల్- మల్కాజిగిరి జిల్లా కీసర మండల కేంద్రంలో ఏర్పాటు చేసిన మీడియా సమావేశం లో రాష్ట్ర స్థాయి కమిటీ ప్రతినిధులు, వివిధ కుల సంఘాల నేతలు మాట్లాడారు.

*24న తెలంగాణలోకి ఆర్ధిక రిజర్వేషన్ సాధన రథయాత్ర':*

ప్రవీణ్ అరోరా నేతృత్వంలో ఢిల్లీలోని రాజ్‌ఘాట్ వద్ద ప్రారంభమైన 20,000 కిలోమీటర్ల సుదీర్ఘ 'రథయాత్ర' ఈ నెల 24న నాగ్‌పూర్ మీదుగా ఆదిలాబాద్ వద్ద తెలంగాణలోకి ప్రవేశించనుందని రాష్ట్ర కో ఆర్డినేటర్ ఏనుగు సంతోష్ రెడ్డి తెలిపారు. 24న నిర్మల్‌లో కార్నర్ మీటింగ్, కామారెడ్ లో బహిరంగ సభ, 24న నిజామాబాద్ లో కార్నర్ మీటింగ్, కామారెడ్డి లో బహిరంగ సభ ఉంటుంది. రామాయణపేట, తూప్రాన్ లలో కార్నర్ మీటింగ్ సమావేశాలు నిర్వహించి హైదరాబాద్ చేరుకుంటుందన్నారు. 25న హైదరాబాద్ అమరవీరుల స్థూపానికి నివాళులర్పించిన అనంతరం, 26 నాడు జనగామ, వరంగల్ మీదుగా పరకాల చేరుకొని సుమారు వేలాది మందితో భారీ బహిరంగ సభ నిర్వహిస్తున్నట్లు వెల్లడించారు.

*ప్రత్యేక రాజ్యాంగ కమిషన్ ఏర్పాటు చేయాలి:*

రాష్ట్ర కోఆర్డినేటర్ నల్లవెల్లి కరుణాకర్ రెడ్డి, మాట్లాడుతూ... కేంద్ర ప్రభుత్వం వెంటనే ఒక ప్రత్యేక రాజ్యాంగ కమిషన్‌ను ఏర్పాటు చేసి చట్టబద్ధంగా ఆర్థిక ఆధారిత రిజర్వేషన్లను అమలు చేయాలని డిమాండ్ చేశారు. అట్టడుగున ఉన్న ప్రతీ పేదవానికి సంక్షేమ ఫలాలు అందే వరకు ఈ పోరాటం కొనసాగుతుందన్నారు. ఈ రథయాత్రకు మరియు ఆర్థిక ఆధారిత రిజర్వేషన్ల ఉద్యమానికి ప్రజలు, అన్ని వర్గాల నాయకులు పెద్ద ఎత్తున మద్దతు తెలపాలని కోరారు. ఈ సమావేశంలో పైళ్ల హరినాథ్ రెడ్డి ఏనుగు సంతోష్ రెడ్డి, నల్లవెల్లి కర్ణాకర్ రెడ్డి, బుట్టం గారి మాధవ రెడ్డి, రాష్ట్ర పలు కుల సంఘాల ప్రతినిధులు, నాయకులు పాల్గొన్నారు.